உணவு வங்கிகளுக்கான தேவை அதிகரித்தாலும், 35% கனேடியர்கள் நிதி ரீதியாக மூன்று மாதங்களுக்கு முன்பு இருந்ததை விட மோசமாக உணர்கிறார்கள் என Food Banks Canada இன் புதிய கருத்துக் கணிப்பு தெரிவிக்கின்றது. அத்தோடு Pollara Strategic Insights நடத்திய கருத்துக் கணிப்பில், மோசமான நிலையில் இருப்பவர்களில் கிட்டத்தட்ட பாதி பேர் ஆண்டுக்கு $50,000க்கும் குறைவான வருமானம் பெற்றவர்கள் என்றும், 43 சதவிகித மக்கள் சிறுபான்மையினராக அடையாளம் காணப்பட்டதாகவும், 42 சதவிகிதம் millennials என்றும் கண்டறியப்பட்டது.
கடந்த வாரம் வெளியிடப்பட்ட கனடாவின் புள்ளிவிபர அறிக்கையானது ஏறக்குறைய பாதி கனேடியர்களின் விலைவாசி உயர்வினால் அன்றாடச் செலவுகளைச் சந்திக்கும் திறனைப் பெரிதும் பாதிக்கிறது என்று தெரிவித்தது. உணவு வங்கிகளுக்கான வளர்ந்து வரும் தேவையைக் கட்டுப்படுத்த உதவும் வகையில் மளிகை பொருட்கள் மற்றும் அத்தியாவசியப் பலன்களை அறிமுகப்படுத்துமாறு Beardsley மத்திய அரசை வலியுறுத்தினார்.
தொற்றுநோய்க்கு முன்பு ஒவ்வொரு மாதமும் சுமார் 60,000 வாடிக்கையாளர்களுக்கு சேவை செய்ததாகவும், கடந்த மாதம் இது 350,000 ஆக இருந்தது எனவும், இதுவரை உணவு வங்கியைப் பயன்படுத்தத் தேவையில்லாத சுமார் 14,000 வாடிக்கையாளர்கள் இப்போது தங்கள் சேவைகளை அணுகுவதாகவும் Daily Bread Food Bank இன் தலைமை நிர்வாக அதிகாரி Neil Hetherington தெரிவித்தார்.
