புதன்கிழமையன்று Bank of Canada வட்டி விகிதத்தை குறைத்ததைத் தொடர்ந்து, கனடாவில் சில உணவுப் பொருட்களின் விலைகளும் குறைந்து வருவதாக கனடாவின் புள்ளிவிவரத் தரவுகள் காட்டுகின்றன. அந்த பொருட்களில் வெள்ளரிகள், திராட்சைகள், iceberg lettuce, margarine, பட்டாசுகள், பதிவு செய்யப்பட்ட சூரை, இறால், பன்றி இறைச்சி, கீரை, உறைந்த berries, பாஸ்தா, மாவு மற்றும் வறுத்த மற்றும் அரைத்த காபி ஆகியவை அடங்கும்.
இருப்பினும் olive oil மற்றும் baby formula போன்ற இறக்குமதி செய்யப்பட்ட பொருட்கள் குறிப்பிடத்தக்க விலை உயர்வை சந்தித்து வருகின்றன, ஜூலை மாதத்தில் olive எண்ணையின் சராசரி விலை $12.25 இலிருந்து $16.68 ஆகவும், 900 கிராம் baby formula டப்பா $37.49ல் இருந்து $45.69 ஆகவும் உயர்ந்துள்ளது.
பிரிட்டிஷ் கொலம்பியாவைத் தவிர, நாடு முழுவதும் கோழி மற்றும் முட்டை விலைகள் குறைந்து வருகின்றன என்று Dalhousie பல்கலைக்கழகத்தின் Agri-Food Analytics Lab இன் இயக்குநர் Sylvain Charlebois கூறுகிறார். மேலும் இவர் இலையுதிர் மற்றும் குளிர்காலத்தை எதிர்நோக்கி சில உணவு விலைகளில் வீழ்ச்சி தொடரும் என்று எதிர்பார்க்கின்றார்.
