Lebanon இல் Israel இற்கும் Hezbollah இற்கும் இடையே மோதல் அதிகரித்து வரும் நிலையில் அங்குள்ள பொதுமக்களுக்கு மனிதாபிமான உதவிக்காக கனடா 10 மில்லியன் டாலர்களை வழங்கவுள்ளதாக சர்வதேச மேம்பாட்டு அமைச்சர் Ahmed Hussen சனிக்கிழமை ஒரு செய்தி வெளியீட்டில் அறிவித்தார். மேலும் இந் நிதியானது உணவு, தண்ணீர் மற்றும் பாலியல் மற்றும் இனப்பெருக்க சுகாதாரம் உள்ளிட்ட அவசரகால சுகாதாரப் பாதுகாப்பு போன்றவற்றை வழங்க உதவும் என்று கூறப்படுகின்றது.
Beirut இன் தெற்கு புறநகர் பகுதியில் இஸ்ரேலிய வான்வழித் தாக்குதலின் போது பயங்கரவாத அமைப்பாக கனடா கருதும் Hezbollah இன் தலைவரும் அதன் ஸ்தாபக உறுப்பினரும் கொல்லப்பட்டது சனிக்கிழமை உறுதிப்படுத்தப்பட்டது. மேலும் Lebanese எல்லைக்கு அருகில் உள்ள சமூகங்களில் இருந்து பல்லாயிரக்கணக்கான இஸ்ரேலியர்களை இடம்பெயர்வதற்கு காரணமான தாக்குதல்களை நிறுத்தும் வரை Hezbollah மீது அழுத்தம் கொடுப்பதாக இஸ்ரேல் உறுதியளித்துள்ளது.
1,200 பேரைக் கொன்று 250 பேரைக் கடத்திச் சென்ற இஸ்ரேல் மீதான Hamas இன் முன்னோடியில்லாத தாக்குதலைத் தொடர்ந்து, அக்டோபர் 8 அன்று, Gaza இற்கு ஆதரவாக இஸ்ரேல் மீது Hezbollah ராக்கெட் தாக்குதல்களை நடத்தியது. இந்த மோதலால் பாதிக்கப்பட்டுள்ள Lebanon மக்களுக்கு ஆதரவாக கனடா நிற்கின்றது.
