குடியேற்றம் தொடர்பான கனடாவின் நீண்டகால கருத்தொற்றுமை அச்சுறுத்தலுக்கு உள்ளாகியுள்ளது, ஆனால் மறைந்துவிடவில்லை. இதனையடுத்து, வியாழன் அன்று குடிவரவு அமைச்சர் Marc Miller மற்றும் பிரதம மந்திரி Justin Trudeau ஆகியோர் கனடாவின் குடிவரவு இலக்குகளை அடுத்த ஆண்டு 20 சதவீதம் குறைக்கும் திட்டத்தை அறிவித்தனர்.
பல ஆண்டுகளாக வலுவான உயர்வைத் தொடர்ந்து, Miller கடந்த ஆண்டு புதிய நிரந்தர குடியிருப்பாளர்களுக்கான ஒதுக்கீட்டை 2025 மற்றும் 2026 ஆம் ஆண்டுகளில் 500,000 என முடக்கினார்.
அக்டோபர் 3 மற்றும் 9 க்கு இடையில் 1,915 பெரியவர்களிடம் கருத்துக்கணிப்பு நடத்தப்பட்டது. கணக்கெடுக்கப்பட்டவர்களில் 73% பேர் குடியேற்றவாசிகளின் எண்ணிக்கையானது வீட்டுவசதிக்கான விலை மற்றும் கிடைக்கும் தன்மையில் எதிர்மறையான விளைவைக் கொண்டிருப்பதாக உணர்ந்தனர், மேலும் 62 சதவிகிதத்தினர் குடியேற்ற நிலைகள் சுகாதாரப் பாதுகாப்புக்கான அணுகலை மிகவும் கடினமாக்குவதாக உணர்ந்தனர். அத்தோடு ஐந்தில் ஒருவர் சமூக ஒற்றுமை மற்றும் ஒருங்கிணைப்பு தொடர்பான பிரச்சினைகளை தங்கள் கவலைகளுக்குக் காரணம் என்று குறிப்பிட்டுள்ளனர்.
இந்த வார தொடக்கத்தில், Parliament Hill இல் உள்ள Liberal caucus இன் கூட்டத்தில், பல Liberal எம்.பி.க்கள் பிரதமரின் தலைமைத்துவம் குறித்து அவரை எதிர்கொண்டனர். இதன் போது Trudeau இன் அரசாங்கமானது கனேடிய குடும்பங்கள் மீது அழுத்தத்தை ஏற்படுத்திய மலிவு விலை பிரச்சனைகளுக்கு புலம்பெயர்ந்தவர்களை குற்றம் சாட்டுவதாக NDP குற்றம் சாட்டியுள்ளது.
