இந்த ஆண்டு Toronto உணவு வங்கிகள் வருகையில் ஏறக்குறைய ஒரு மில்லியன் அதிகரிப்பை சந்தித்துள்ளன, இது COVID-19 தொற்றுநோய் தொடங்கியதில் இருந்து தற்போதைய தேவை அதிகரிப்பை பிரதிபலிக்கிறது.
Daily Bread மற்றும் North York Harvest உணவு வங்கிகளால் வெளியிடப்பட்ட வருடாந்த Who’s Hungry அறிக்கையில், ஏப்ரல் 2023 முதல் மார்ச் 2024 வரை 3.5 மில்லியன் வாடிக்கையாளர் வருகைகளைப் பதிவுசெய்துள்ளதுடன் இது 41 ஆண்டுகளில் மிக உயர்ந்ததாகும் எனவும், முந்தைய ஆண்டை விட கிட்டத்தட்ட ஒரு மில்லியனாக உயர்ந்துள்ளதாகவும் குறிப்பிடப்பட்டுள்ளது. மேலும் கடந்த ஆண்டை விட 36 சதவீதம் தனிப்பட்ட வாடிக்கையாளர்களின் அதிகரிப்பைத் தொடர்ந்து, நகரத்தில் 10 பேரில் ஒருவருக்கும் அதிகமானோர் இப்போது உணவு வங்கிகளையே நம்பியுள்ளனர் என்று அறிக்கை தெரிவிக்கிறது.
தொற்றுநோய்களின் போது, உணவு மற்றும் வாடகையின் விலை உயர்ந்து, ஊதியங்கள் மற்றும் சமூக உதவிகளைத் தக்கவைக்கத் தவறியதால், உணவு வங்கி தேவை அதிகரிக்கும் என்று Daily Bread கணித்ததாக Hetherington கூறினார். 2020 ஆம் ஆண்டில், Daily Bread உணவுக்காக $1.5 மில்லியன் செலவிட்டது. இந்த ஆண்டு, அந்த எண்ணிக்கை 29 மில்லியன் டாலர்களை எட்டியது.
Toronto இல் உள்ள உணவு வங்கி வாடிக்கையாளர்களின் சராசரி மாத வருமானம் $1,265 என்றும், இது ஒரு தனி நபரின் மாத வருமானத்தில் $2,397 என்ற வறுமைக் கோட்டிற்குக் கீழே இருப்பதாகவும் அவர்களின் அறிக்கை கண்டறிந்துள்ளது.
