Justin Trudeau பிரதம மந்திரி பதவியில் இருந்து விலகுவதாக அறிவித்துள்ள போதிலும், Trump இன் கட்டண அச்சுறுத்தலுக்கு எதிராக மத்திய அரசு விழிப்புடன் இருக்குமாறு Ontario Premier Doug Ford வலியுறுத்துகிறார். March 24 ஆம் திகதி வரை நாடாளுமன்றத்தை ஒத்திவைக்க வேண்டும் என்று அவர் விடுத்த கோரிக்கைக்கு Governor General Mary Simon ஒப்புக்கொண்டதாக Trudeau திங்களன்று கூறினார்.
போதைப்பொருள் மற்றும் புலம்பெயர்ந்தோர் கடத்தலைக் கட்டுப்படுத்தும் எல்லைக் கட்டுப்பாட்டு நடவடிக்கைகளை கனடா மேம்படுத்தாவிட்டால், அமெரிக்காவிற்கு இறக்குமதி செய்யப்படும் கனேடிய மற்றும் மெக்சிகன் பொருட்களுக்கு 25% வரி விதிக்க Trump திட்டமிட்டுள்ளார்.
செய்தியாளர்களிடம் பேசிய Ford புதிய தலைவர் வரும் வரை Trudeau தனது பணியை தொடர்ந்து செய்வார் என எதிர்பார்ப்பதாக கூறினார். மேலும் இவர் கட்டண அச்சுறுத்தல் குறித்து பிரதமர்களுடன் அமர்ந்து விவாதிப்பதாக Trudeau உறுதியளித்ததாகவும் குறிப்பிட்டார்.
கனேடியர்களுக்கு ஒரு தசாப்தத்திற்கும் மேலாக பொது சேவை செய்ததற்காக பிரதமர் Justin Trudeau இற்கு Toronto Mayor Olivia Chow நன்றி தெரிவித்தார். மற்றும் COVID-19 தொற்றுநோய் காலத்தில் நாட்டை வழிநடத்தியதற்காக பிரதமர் Justin Trudeau இற்கு Ontario Liberal Leader Bonnie Crombie அவரது பாராட்டுக்களைத் தெரிவித்திருந்தார்.
