Ottawa இனை அமெரிக்காவைப் பின்பற்றுமாறும், சூடானின் துணை ராணுவப் படையின் சமீபத்திய நடவடிக்கைகள் இனப்படுகொலைக்குச் சமம் என்று அறிவிக்குமாறும் மனித உரிமைகள் குழு கேட்டுக்கொண்டுள்ளது. ஆனால் Liberal அரசாங்கம் இதுவரை அமைதி காக்கின்றது.
ஏப்ரல் மாதத்தில், சூடானின் Darfur பிராந்தியத்தில் கொடூரமான உள்நாட்டுப் போரின் போது ஒரு இனக்குழுவை குறிவைத்து ஏராளமான சம்பவங்கள் ஆவணப்படுத்தப்பட்டதை தொடர்ந்து Rapid Support Forces இனப்படுகொலையினை நடத்தியதாக மனித உரிமைகள் மையம் குற்றம் சாட்டியது. செவ்வாயன்று Rapid Support Forces இனப்படுகொலையினைச் செய்தாக அமெரிக்க வெளியுறவுத்துறை செயலாளரான Antony Blinken கூறினார்.
போராளிகளுக்கு ஆயுதங்களை வழங்கியதாக குற்றம் சாட்டப்பட்ட RSF உறுப்பினர்கள் மற்றும் ஐக்கிய அரபு எமிரேட்ஸில் உள்ள நிறுவனங்கள் மீது Blinken தடைகளை விதித்துள்ளது.
சூடானிய உள்நாட்டுப் போர் இரண்டு ஆண்டுகளுக்கு முன்பு தொடங்கியது. பரந்த அளவிலான மக்கள் பொதுமக்கள் ஜனநாயக ஆட்சியைக் கோரியதைத் தொடர்ந்து, சூடான் ஆயுதப்படைகள் அதன் Rapid Support Forces இற்கு எதிராக ஆயுதம் ஏந்தியது. இது நாட்டின் உள்நாட்டுப் போரின் தொடக்கத்தைத் தூண்டியது. இந்த மோதல் உலகின் மிகப்பெரிய தற்போதைய மனிதாபிமான பேரழிவாகக் கருதப்படுகிறது, இருப்பினும் இது மத்திய கிழக்கு மற்றும் உக்ரைனில் ஏற்பட்ட மோதல்களை விட மிகக் குறைந்த சர்வதேச கவனத்தைப் பெறுகிறது.
