கன்சர்வேடிவ் தலைவர் Pierre Poilievre, தனது தலைமையிலான அரசாங்கம் அரச ஊழியர்களின் எண்ணிக்கையைக் குறைக்கும் என்று கூறுகிறார் – ஆனால் அவர் வீட்டிலிருந்து வேலை செய்வதை பொருட்படுத்தவில்லை.
செவ்வாயன்று Radio-Canada, அமெரிக்க ஜனாதிபதி Donald Trump இன் அரச ஊழியர்களை வாரத்திற்கு ஐந்து நாட்கள் அலுவலகத்திற்குத் திரும்பவும் அனுப்பும் நிர்வாக உத்தரவு ஒரு நல்ல யோசனையா என்று கேட்டபோது, Poilievre அரச ஊழியர்கள் வேலையைச் செய்கிறார்களா இல்லையா என்பதுதான் முக்கியம் என்று கூறினார்.
2018-19 மற்றும் 2021-22 க்கு இடையிலான துறைசார் முடிவின் அறிக்கைகளை பகுப்பாய்வு செய்த நாடாளுமன்ற வரவுசெலவுத்திட்ட அதிகாரியின் அறிக்கையானது சராசரியாக, கூட்டாட்சி செயல்திறனில் கிட்டத்தட்ட கால் பங்கு இலக்குகள் ஆண்டுதோறும் அடையப்படவில்லை என்பதைக் கண்டறிந்துள்ளது.
Poilievre மற்றும் அவரது குழுவினரிடம் Canadian Press, எத்தனை அரச ஊழியர்கள் பதவி இழக்க நேரிடும்? எந்த வகையான கண்காணிப்பு முறைகள் இருக்க வேண்டும் என்று நினைக்கின்றீர்கள்? பொது ஊழியர்கள் வாரத்தில் குறைந்தது மூன்று நாட்களாவது நேரில் பணியாற்ற வேண்டும் என்ற கட்டளையை முடிவுக்குக் கொண்டு வருவீர்களா? என கேட்கப்பட்ட கேள்விகளுக்கு அவர் இன்னும் பதிலளிக்கவில்லை.
இந்நிலையில் கனடாவின் மிகப்பெரிய மத்திய பொதுத்துறை தொழிற்சங்கமான Public Service Alliance of Canada (PSAC) புதிய விதிகளை எதிர்த்து Federal நீதிமன்றத்தில் வழக்குத் தொடர்ந்துள்ளமை குறிப்பிடத்தக்கது.
