கனடா மற்றும் மெக்சிகோவிலிருந்து இறக்குமதி செய்யப்படும் பொருட்களுக்கு அமெரிக்கா கடுமையான வரிகளை விதித்ததால், வட அமெரிக்க பங்குச் சந்தைகள் ஒரு நிலையற்ற வர்த்தக நாளை பரந்த இழப்புகளுடன் பதிவு செய்தது. இது ஒரு கண்ட வர்த்தகப் போரை தூண்டியுள்ளது.
அமெரிக்க ஜனாதிபதி Donald Trump இன் வரிகளை அமுல்படுத்தும் நிர்வாக உத்தரவு நேற்றையதினம் நள்ளிரவுக்குப் பிறகு அமுலுக்கு வந்ததைத் தொடர்ந்து, S&P/TSX composite index 429.57 புள்ளிகள் சரிந்து 24,572 இல் நிறைவடைந்தது.
தொழில்நுட்பத்தின் காரணமாக, பிற்பகலில் சந்தைகள் ஓரளவு மீட்சியடைந்தன. இழப்புகள் காலையில் ஏற்பட்ட சரிவை விட குறைவாகவே இருந்தன. இந்த வகையான ஏற்ற இறக்கம் நீடிக்க உள்ளது என்று நிபுணர்கள் தெரிவித்தனர்.
செவ்வாயன்று Nasdaq அதன் ஏனைய குழுக்களை விட சிறப்பாக செயல்பட தொழில்நுட்பத் துறை உதவியது எனலாம். சந்தையில் மிகப்பெரிய தாக்கத்தை ஏற்படுத்தும் குறைக்கடத்தி நிறுவனமான Nvidia 1.7 சதவீதம் உயர்ந்தது.
கனடாவின் பதிலடியை அறிவித்தபோது கனடா பின்வாங்காது என்று பிரதமர் Justin Trudeau கூறினார். இந்தத் திட்டத்தில் உணவு, மதுபானம், உடைகள், அழகுசாதனப் பொருட்கள், தளபாடங்கள் மற்றும் பல அமெரிக்கப் பொருட்கள் மீது 25 சதவீத வரிகள் விதிக்கப்பட்டுள்ளன.
எதிர்காலக் கண்ணோட்டம் என்ன? இது பொருளாதாரத்திற்கும் நிறுவனங்களுக்கும் எவ்வளவு எழுச்சியை ஏற்படுத்தும் என்பதற்கு அப்பால் இந்த வர்த்தகப்போர் மிக குறுகிய காலத்தில் வட அமெரிக்கப் பொருளாதாரத்தில் மட்டுமல்ல உலகப் பொருளாதாரத்திலும் குறிப்பிடத்தக்க விளைவை ஏற்படுத்தும் என்று முதலீட்டாளர்கள் தெளிவாக எதிர்பார்க்கிறார்கள்.
