August 01 ஆந் திகதி முதல் கனேடிய பொருட்களுக்கு மேலதிகமாக வரி விதிக்கவுள்ளதாக அமெரிக்கா அறிவித்துள்ள நிலையில், கனேடியர்களின் சிறந்த நலன்களுக்காக மேசையில் ஒன்று இருந்தால் அரசாங்கம் நிச்சயம் அதனை ஏற்றுக்கொள்ளும் என்று பிரதமர் Mark Carney தெரிவித்துள்ளார்.
அத்தகைய ஒப்பந்தம் கனடாவிற்கும்இ அமெரிக்காவிற்கும் இடையிலான வர்த்தக உறவைப் பாதுகாத்து, வலுப்படுத்தி, நிலைப்படுத்துவதாக அமையும் என்றும், நாம் செய்யக்கூடிய ஏனைய விடயங்களின் அடிப்படையில் நம் கைகளைக் கட்டாமல் இருக்கவும் அவை உதவும் என்று அவர் கூறினார்.
இந்த வாரம் நாட்டின் மாகாண முதலமைச்சர்களுடனான சந்திப்பின்போது, உள்ளக வர்த்தகத் தடைகளை நீக்குவது குறித்தும், August 1 ஆம் திகதி பல்வேறு வகையான கனேடியப் பொருட்களுக்கு 35 சதவீத வரிகளை விதிக்கப்போவதாக அமெரிக்க ஜனாதிபதி Donald Trump இன் அச்சுறுத்தல் குறித்தும் விவாதிக்கப்பட்டது.
செவ்வாய்க்கிழமை பிற்பகல் கூட்டத்திற்குப் பின்னர் ஒரு செய்தியாளர் சந்திப்பில், Nova Scotia மாகாண முதல்வர் Tim Houston வரிகளை முற்றிலுமாக நீக்கும் ஒரு ஒப்பந்தத்தைக் காண விரும்புவதாகக் கூறினார், ஆனால் Trump உலகெங்கிலும் உள்ள வர்த்தக பங்காளிகள் மீது வரிகளை விதிப்பதால், நாங்கள் இப்போது அந்த உலகில் இல்லை என்று கூறிய அவர், அது எப்படி இருக்கும் என்பது குறித்து நாம் திறந்த மனதுடன் இருக்க வேண்டும் எனவும் கூறினார்.
செவ்வாய்க்கிழமை நடைபெற்ற கூட்டம், மாகாண முதல்வர்கள் வலுவான பொருளாதாரத்தை கட்டியெழுப்புவதற்கான வழிகளில் கவனம் செலுத்த ஒரு வாய்ப்பை வழங்கியதாக Carney கூறினார். முதல்வர்கள் விரைவாக முடிக்க விரும்பும் திட்டங்களுக்கான கருத்துகளை சமர்ப்பித்துள்ளனர், ஆனால் அரசாங்கம் இன்னும் திட்டங்களின் பட்டியலைத் தொடங்கவில்லை எனவும் அவர் மேலும் கூறினார்.
இதன்போது உள்நாட்டு கனேடிய சந்தைகளுக்கான அணுகலைத் திறக்க மாகாண முதல்வர்கள் கையெழுத்திட்ட தொடர் வர்த்தக ஒப்பந்தங்களுக்கும் பிரதமர் தனது பாராட்டுகளை தெரிவித்தார். இதனை விட மாகாண ரீதியிலான பல அபிவிருத்தித் திட்டங்களுக்கான உடன்பாடுகளும் எட்டப்பட்டமை குறிப்பிடத்தக்கது.
