மத்தியரசில் NDP தனது அடுத்த தலைவரைத் தேடும் போட்டியை செவ்வாய்க்கிழமை அதிகாரப்பூர்வமாகத் தொடங்கியது, ஆர்வமுள்ள வேட்பாளர்கள் பிரச்சாரத்தை மேற்கொள்ள ஏழு மாதங்கள் அவகாசம் உள்ளது.
அடுத்த NDP தலைவர் மார்ச் மாதம் Winnipeg இல் நடைபெறும் தேசிய மாநாட்டில் தேர்ந்தெடுக்கப்படுவார். August 20 ஆம் திகதி விண்ணப்பப் பொதிகள் கிடைக்கப்பெற்றதிலிருந்து தலைமைப் போட்டியில் வலுவான ஆர்வம் இருப்பதாக கட்சி ஒரு செய்திக் குறிப்பில் தெரிவித்துள்ளது.
April மாதம் நடந்த நாடாளுமன்றத் தேர்தலில் NDP ஏழு ஆசனங்களாகக் குறைக்கப்பட்டு அதிகாரப்பூர்வ கட்சி அந்தஸ்தையும் இழந்தது. இந்த அதிர்ச்சியூட்டும் தோல்வியைச் சந்தித்ததை அடுத்து, முன்னாள் தலைவர் Jagmeet Singh இராஜினாமா செய்தார்.
தலைமைப் பதவிக்குப் போட்டியிடும் எவரும் 25 வயது அல்லது அதற்கு மேற்பட்ட புதிய ஜனநாயகக் கட்சியினரிடமிருந்து தேவையான எண்ணிக்கையிலான கையொப்பங்களில் குறைந்தது 10 சதவீதத்தைப் பெற வேண்டும். அத்துடன் வேட்பாளர்கள் Atlantic, Ontario, Prairies மற்றும் British Columbia மற்றும் வடக்குப் பிராந்தியம் ஆகிய ஐந்து பிராந்தியங்களிலிருந்தும் குறைந்தது 50 கையொப்பங்களையும் சேகரிக்க வேண்டும்.
எந்த வேட்பாளரும் இதுவரை அதிகாரப்பூர்வமாக போட்டியில் நுழையவில்லை, அத்துடன் வெற்றி பெறுபவர் கட்சியை மீண்டும் போட்டியில் ஈடுபடுத்துவதற்கு கடுமையான போராட்டத்தை எதிர்கொள்ள நேரிடும். இதனிடையே, July மாதம் நடத்தப்பட்ட ஒரு ஆராய்ச்சி நிறுவனத்தின் கருத்துக் கணிப்பில் பெரும்பாலான கனேடியர்கள் ஒன்பது NDP தலைமை வேட்பாளர்களைப் பற்றி அறிந்திருக்கவில்லை என்று தெரியவந்துள்ளது.
