அனைத்து மாகாணங்கள் மற்றும் பிரதேசங்களுடனும் மருந்தகப் பராமரிப்பு ஒப்பந்தங்களில் கையெழுத்திட மத்திய அரசு உறுதிபூண்டுள்ளதாக பிரதமர் Mark Carney வியாழக்கிழமை தெரிவித்தார். இதன்மூலம் இந்தத் திட்டம் குறைக்கப்படுவது குறித்து பல மாதங்களாக நிலவி வந்த ஊகங்களுக்கு முற்றுப்புள்ளி வைத்தனர்.
அந்த ஒப்பந்தங்கள் முடிந்தவரை விரைவாகவும் நியாயமாகவும் இறுதி செய்யப்படும் என்று Carney கூறினார். அவை தெளிவான உறுதிமொழிகள், நாங்கள் அவற்றைக் கடைப்பிடிப்போம் என்று வியாழக்கிழமை Edmonton இல் நடந்த செய்தியாளர் கூட்டத்தில் அவர் கூறினார்.
கடந்த ஆண்டு அரசாங்கம் மருந்தக பராமரிப்பு திட்டத்தின் முதல் கட்டத்தைத் தொடங்கியது, இது கருத்தடை மருந்துகள் மற்றும் சில நீரிழிவு மருந்துகளை நோயாளிகளுக்கு குறைந்த செலவில் வழங்குகிறது. கடந்த சிறுபான்மை அரசாங்கம் NDP உடன் செய்து கொண்ட ஒப்பந்தத்தின் ஒரு பகுதியாக, மருந்துப் பராமரிப்புச் சட்டம் கடந்த இலையுதிர்காலத்தில் நிறைவேற்றப்பட்டது.
தொடக்கப் புள்ளியாக, அந்த இரண்டு வகை மருந்துகளையும் உள்ளடக்குவதற்கு மாகாணங்கள் மற்றும் பிரதேசங்களுடன் ஒப்பந்தங்கள் தொடர்பான பேச்சுவார்த்தைஙளை நடத்த மத்திய அரசை அது தேவைப்படுத்தியது. அனைத்து மருந்துகளையும் உள்ளடக்கிய ஒரு உலகளாவிய மருந்தக பராமரிப்பு திட்டத்தை உருவாக்குவதற்கான சிறந்த வழியை ஆராயும் ஒரு ஆய்வையும் அது கோரியது.
நாடாளுமன்றம் திங்கட்கிழமை மீண்டும் கூடவுள்ள நிலையில், Liberal கள் October இல் ஒரு மத்தியரசின் வரவுசெலவுத்திட்டத்தை அறிமுகப்படுத்த திட்டமிட்டுள்ளனர். இதனிடையே, உலகளாவிய மருந்தக பராமரிப்பு திட்டத்திற்கான சாத்தியமான மாதிரிகளை ஆராயும் பணியில் ஈடுபட்டுள்ள நிபுணர்கள் குழு October 10 ஆம் திகதிக்குள் சுகாதார அமைச்சரிடம் அறிக்கை சமர்ப்பிக்க உள்ளது. அமைச்சர் இந்த அறிக்கையை நாடாளுமன்றத்தில் தாக்கல் செய்வார் என்று எதிர்பார்க்கப்படுகிறது.
