யுத்த வலயங்களில் தேவையான biometric தரவுகளை சேகரிக்க அரசாங்கம் வேறு வழிகளைக் கண்டறிய முடியும் என்று வலியுறுத்தும் NDP, நீட்டிக்கப்பட்ட குடும்ப மறு ஒருங்கிணைப்பு திட்டத்தின் மூலம் தற்காலிக விசாக்களுக்கு விண்ணப்பித்த மக்களை Gaza வில் இருந்து வெளியேற்றுவதற்கு அரசாங்கம் இன்னும் அதிகமாகச் செயற்பட வேண்டும் என்றும் அரசாங்கத்தை வலியுறுத்துகிறது.
March 6, 2025 அன்று 5,000 விண்ணப்பதாரர்கள் என்ற உச்சவரம்பை எட்டியபோது, இந்தத் திட்டத்தின் கீழ் விசா விண்ணப்பத்தை ஏற்றுக்கொள்வதை அரசாங்கம் நிறுத்தியது. August 1 ஆம் திகதிய நிலவரப்படி, இந்தத் திட்டத்தின் கீழ் 860 பேர் மட்டுமே கனடாவை வந்தடைந்தனர்.
எனவே, நாங்கள் அரசாங்கத்திடம் இருந்து நடவடிக்கை எடுக்கக் கோருகிறோம். biometric நடவடிக்கைக்கு மாற்று வழிகளை நாங்கள் விரும்புகிறோம், அரசாங்கம் மக்களை வெளியே கொண்டு வர வேண்டும் என்று நாங்கள் விரும்புகிறோம். வெளியேறும் விசாக்களைப் பற்றிப் பேச்சுவார்த்தை நடத்த Global Affairs Canada இதில் ஈடுபட வேண்டும் என்று நாங்கள் விரும்புகிறோம் என்று NDP இன் குடியேற்ற விமர்சகர் Jenny Kwan கூறுகின்றார்.
குடிவரவு, அகதிகள் மற்றும் குடியுரிமை கனடாவின் செய்தித் தொடர்பாளர் ஒருவர், Gaza வில் biometric இனை பெற்றுக்கொள்ள இப்போது வழி இல்லை என்றும், Israel மற்றும் Egypt ஆகிய நாடுகளே தற்போது அந்தப் பகுதியிலிருந்து யாரை வெளியேற்ற வேண்டும் என்பதைத் தீர்மானிக்கின்றன என்றும் கூறியுள்ளார். பொதுவாக, கனேடிய தூதரகம் ஒன்றினாலே biometric தரவு சேகரிக்கப்படும் என்பது குறிப்பிடத்தக்கது.
இதேவேளை, கனடாவில் வசிக்கும் பாலஸ்தீனர்களும் Gaza வில் இருந்து மக்களை வெளியேற்ற கனேடிய அரசாங்கம் இன்னும் அதிகமாக உதவ வேண்டும் என கோரிக்கை விடுத்துள்ளனர். எனினும் இது தொடர்பில் குடிவரவு அமைச்சரின் பதில்களோ அல்லது கனேடிய அரசாங்கத்தின் விளக்கமோ இதுவரை வெளியிடப்படவில்லை.
