Ontario மாகாண முதல்வர் Doug Ford இற்கு கொலை மிரட்டல் விடுத்ததாகக் கூறப்படும் விவகாரத்தில், Alliston பகுதியைச் சேர்ந்த 20 வயது இளைஞர் மீது Ontario மாகாண காவல்துறை (OPP) வழக்குப் பதிவு செய்துள்ளது.
இதன் விளைவாக, அதிகாரிகள் Alliston, Ontario வைச் சேர்ந்த Ramy Jamil Hanna என்பவரைக் கைது செய்து, அவர் மீது தீங்கு விளைவிக்கும் வகையில் அச்சுறுத்தல் விடுத்ததாகக் குற்றம் சுமத்தியுள்ளனர்.
இதன் பின்னர் April 9 ஆந் திகதியன்று நீதிமன்றத்தில் ஆஜராக வேண்டுமென்ற நிபந்தனையில் Hanna காவலில் இருந்து விடுவிக்கப்பட்டார்.
Protective Services பிரிவை சேர்ந்த அதிகாரி Anton Jelich வெளியிட்டுள்ள அறிக்கையில், OPP அனைத்து அச்சுறுத்தல்களையும் மிகத் தீவிரமாக அணுகுவதாகக் குறிப்பிட்டுள்ளார். “ஒவ்வொருவருக்கும் பாதுகாப்பாக உணர உரிமை உண்டு” என்பதை வலியுறுத்திய அவர், இலக்கு வைக்கப்படுவது யாராக இருந்தாலும் இது போன்ற சம்பவங்களை அதிகாரிகள் முழுமையாக விசாரிப்பார்கள் என்றும் தெரிவித்தார்.
இந்த விசாரணை தொடர்பான மேலதிக தகவல்கள் ஏதேனும் தெரிந்தால் பொலிஸாரைத் தொடர்பு கொள்ளுமாறு OPP பொதுமக்களைக் கேட்டுக்கொண்டுள்ளது.
