மத்திய கிழக்கில் போர் நிறுத்தம் செய்யுமாறு கோரி Pope Leo XIV ஞாயிற்றுக்கிழமை வலியுறுத்தினார். Iran மீதான போரைத் தொடங்கிய தலைவர்களை நேரடியாகக் குறிப்பிட்டு, இதுவரை இல்லாத வகையில் மிகக் கடுமையான கருத்துக்களை அவர் பதிவு செய்துள்ளார்.
”மத்திய கிழக்கின் கிறிஸ்தவர்கள் மற்றும் அனைத்து நல்மனம் கொண்ட ஆண்களும் பெண்களும் சார்பாக, இந்த மோதலுக்குக் காரணமானவர்களிடம் நான் வேண்டுகோள் விடுக்கிறேன்,” என்று போப்பாண்டவர் கூறினார். “பேச்சுவார்த்தைக்கான வழிகள் மீண்டும் திறக்கப்படும் வகையில் போர் நிறுத்தத்தை மேற்கொள்ளுங்கள். மக்கள் காத்திருக்கும் நீதி, ஸ்திரத்தன்மை மற்றும் அமைதிக்கு வன்முறை ஒருபோதும் இட்டுச் செல்லாது.” என்று அவர் மேலும் தெரிவித்தார்.
பாடசாலைகள், மருத்துவமனைகள் மற்றும் குடியிருப்பு மையங்களைத் தாக்கிய இந்தத் தாக்குதல்களில் உயிரிழந்தவர்களின் குடும்பங்களுக்குத் தனது ஆழ்ந்த அனுதாபங்களைத் தெரிவித்த Leo, உதவி அமைப்புகள் மனிதாபிமான நெருக்கடி குறித்து எச்சரித்து வரும் Lebanon இல் போரினால் ஏற்பட்டுள்ள பாதிப்புகள் குறித்து அவர் தனது விசேட கவலையை வெளிப்படுத்தினார்.
தெற்கு Lebanon இல் உள்ள கிறிஸ்தவ சமூகங்களின் அவலநிலை வத்திக்கானுக்கு மிகுந்த கவலையை அளிக்கிறது. ஏனெனில், முஸ்லிம்கள் பெரும்பான்மையாக வாழும் இப்பிராந்தியத்தில் உள்ள கிறிஸ்தவர்களுக்கு அவர்கள் நீண்டகாலமாக ஒரு பாதுகாப்பு அரணாக விளங்கி வருகின்றனர்.
U.S.-Israel போர் தொடங்கிய கடந்த இரண்டு வாரங்களாக, அதிபர் Donald Trump இற்கு ஒரு அரசியல் எதிர்விசையாக தன்னை முன்னிறுத்திக் கொள்வதைத் தவிர்க்கும் நோக்கில், போப் தனது கருத்துக்களை இராஜதந்திரம் மற்றும் பேச்சுவார்த்தைக்கான மென்மையான கோரிக்கைகளுடன் மட்டுமே மட்டுப்படுத்தியுள்ளார். அவர் U.S அல்லது Israel ஐ பகிரங்கமாகப் பெயரிடவில்லை இது Vatican இன் இராஜதந்திர நடுநிலைமை எனும் பாரம்பரியத்தைப் பின்பற்றியே அமைந்துள்ளது.
”Vatican அனைவருடனும் பேசுகிறது, தேவைப்படும்போது நாங்கள் அமெரிக்கர்களுடனும், இஸ்ரேலியர்களுடனும் பேசுகிறோம். மேலும், எங்களுடைய பார்வையில் இதற்கான தீர்வுகள் என்ன என்பதை அவர்களுக்குச் சுட்டிக்காட்டுகிறோம்,” என்று Vatican வெளியுறவுத்துறைச் செயலாளர் Cardinal Pietro Parolin கூறினார்.
