திங்கட்கிழமையன்று அமெரிக்க அதிபர் Donald Trump, சில அலுமினியம், இரும்பு மற்றும் செப்பு இறக்குமதிகள் மீதான தனது ‘Section 232’ தேசிய பாதுகாப்பு வரிகளில் திருத்தம் செய்யும் பிரகடனம் ஒன்றில் கையெழுத்திட்டுள்ளதாக வெள்ளை மாளிகை தெரிவித்துள்ளது.
இந்த பிரகடனம், சில விவசாய இயந்திரங்கள் மற்றும் குடியிருப்பு வெப்பமூட்டல், குளிரூட்டல் மற்றும் காற்றோட்ட உபகரணங்கள் உள்ளிட்ட குறிப்பிட்ட வகை இரும்பு மற்றும் அலுமினிய வழிப்பொருள் தயாரிப்புகளுக்கான வரிகளை, இதற்கு முன்பு இருந்த 25 சதவீதத்திலிருந்து 15 சதவீதமாகக் குறைக்கிறது.
“இது bulldozers மற்றும் forklifts போன்ற நகரும் தொழில்துறை உபகரணங்களை அத்தகைய சலுகையைப் பெற தகுதியுள்ள வர்த்தக ஒப்பந்த நாடுகளிலிருந்து இறக்குமதி செய்யும் போது அவற்றின் மீது 15 சதவீத வரி விதிக்க வழிவகை செய்கிறது,” என்று வெள்ளை மாளிகை ஒரு அறிக்கையில் தெரிவித்துள்ளது.
மேலும், “வெளிநாட்டு நிறுவனங்களின் மூலதன உபகரணங்களில், எடையின் அடிப்படையில் குறைந்தது 85 சதவீதம் அமெரிக்காவில் உருக்கி ஊற்றப்பட்ட இரும்பு அல்லது உருக்கி வார்க்கப்பட்ட அலுமினியம் இருந்தால்,” அந்நிறுவனங்கள் 10 சதவீத வரிச்சலுகையைப் பெற இந்த உத்தரவு அனுமதிக்கிறது.
இந்த மாற்றங்கள், June 8 ஆம் திகதி அதிகாலை 12:01 (0401 GMT)க்குப் பின்னர் இறக்குமதி செய்யப்படும் அல்லது ஒப்பந்தம் செய்யப்பட்ட தளங்களில் இருந்து திரும்பப் பெறப்படும் பொருட்களுக்குச் அமுலுக்கு வரும்.
”நாட்டின் தொழில்துறை கட்டமைப்பை மீண்டும் கட்டியெழுப்புவதற்கான குறுகிய கால முதலீடுகளை ஊக்குவிக்கும் வகையில்”, இந்த மாற்றங்கள் 2027 December 31 வரை நடைமுறையில் இருக்கும் என்று வெள்ளை மாளிகை மேலும் தெரிவித்துள்ளது.
