வெள்ளிக்கிழமை, கனடா மற்றும் Bosnia மற்றும் Herzegovina அணிகளுக்கிடையிலான FIFA உலகக் கிண்ணப் போட்டி தொடங்குவதற்கு சில நிமிடங்களுக்கு முன்பு, Toronto Stadium மைதானத்தில் இரண்டு ஆண்கள் கைது செய்யப்பட்டனர்.
மதியம் சுமார் 2:20 மணியளவில் பார்வையாளர்கள் அமர்ந்திருந்த பகுதியில் ஒரு மோதல் நடைபெறுவதாக பொலிஸாருக்கு தகவல் கிடைத்ததாக அவர்கள் தெரிவித்தனர்.
“மைதானத்திலிருந்து ஒரு ரசிகரை வெளியேற்ற பொலிஸார் முயன்றபோது, அவர்கள்மீது சில பொருட்கள் எறியப்பட்டன,” என்று அதிகாரிகள் வெளியிட்ட அறிக்கையில் கூறப்பட்டுள்ளது. நிலைமையை கட்டுப்படுத்த மேலதிக பொலிஸார் உடனடியாக அனுப்பப்பட்டனர். பின்னர் நிலைமை கட்டுக்குள் கொண்டு வரப்பட்டது.
இந்தச் சம்பவத்தின் போது இரண்டு பொலிஸ் அதிகாரிகள் சிறிய காயங்களுக்கு உள்ளானார்கள். அவர்கள் சம்பவ இடத்திலேயே சிகிச்சை பெற்றனர். Bosnia ரசிகர் குழுவுடன் தொடர்புடைய இரண்டு ஆண்கள் கைது செய்யப்பட்டதாக பொலிஸார் தெரிவித்தனர். இருவரும் Germany நாட்டைச் சேர்ந்தவர்கள். இருவர்மீதும் பொலிஸ் அதிகாரியைத் தாக்கியதாக குற்றச்சாட்டு சுமத்தப்பட்டுள்ளதுடன், அவர்கள் இன்றையதினம் (June 13) நீதிமன்றத்தில் ஆஜர்படுத்தப்பட உள்ளனர்.
“உள்ளூர் மக்களுக்கும் வருகை தந்துள்ள ரசிகர்களுக்கும் Toronto Police Association ஒரு செய்தியை வெள்ளிக்கிழமை இரவு சமூக ஊடகப் பதிவொன்றில் வெளியிட்டுள்ளது. ”அதாவது, உலகக் கிண்ணப் போட்டிகளை ரசிக்க நீங்கள் வந்திருப்பதில் எங்களுக்கு மகிழ்ச்சி. ஆனால் தயவுசெய்து பாதுகாப்பாகவும் பொறுப்புடனும் நடந்து கொள்ளுங்கள்,” என்று அதில் தெரிவிக்கப்பட்டுள்ளது.
