Beacon Hill-Cyrville பகுதியைச் சேர்ந்த நகரசபை உறுப்பினரான Tim Tierney, 87 ஆண்டுகளில் கனேடிய மாநகரசபைகளின் கூட்டமைப்பின் (FCM) தலைவராக தெரிவு செய்யப்பட்ட Ottawa’s வின் முதல் நபர் என்ற வரலாற்றுச் சாதனையைப் படைத்துள்ளார்.
நாடு முழுவதும் உள்ள மாநகரசபைகளின் தேவைகளுக்காகக் குரல் கொடுப்பதில், தன்னுடைய புதிய பதவியை சாதகமாகப் பயன்படுத்திக் கொள்ளத் திட்டமிட்டுள்ளதாக Tierney கூறினார்.
“நான் நாடாளுமன்றக் கட்டடத்தொகுதியிலிருந்து சரியாக ஐந்து தொகுதிகள் தொலைவில்தான் இருக்கிறேன்,” என்று Tierney கூறினார். “நான் மிக எளிதாக அங்கு நடந்து சென்று, அங்குள்ளவர்களுடன் வழக்கமாக உரையாடக்கூடிய தனித்துவமான வாய்ப்பைப் பெற்றுள்ளேன், இதை நான் முழுமையாகச் செய்ய தீர்மானித்துள்ளேன்.”
கனடா முழுவதும் உள்ள 2,000-க்கும் மேற்பட்ட மாநகரசபைகளுக்காக FCM அமைப்பு குரல் கொடுத்து வருகிறது. 15 ஆண்டுகளுக்கு முன்னர் தனது முதல் FCM கூட்டத்தில் கலந்துகொண்ட பின்னர், FCM அமைப்பில் தான் கண்டிப்பாக ஈடுபட வேண்டும் என்பதை உணர்ந்ததாகக் குறிப்பிட்ட Tierney, இந்த அமைப்பில் தனக்கு உள்ள அனுபவத்தின் மூலம் இதன் தாக்கம் மறுக்க முடியாதது என்றும் கூறினார்.
”வரலாற்றில் இது ஒரு சுவாரசியமான காலகட்டம்,” என்று விளக்கிய Tierney, “தற்போது நமக்கு வர்த்தகம் மற்றும் வரி விதிப்பு தொடர்பான பதற்றங்கள் உள்ளன, அதே நேரத்தில் கனேடிய ஒற்றுமையின் மீது நாம் உண்மையான கவனம் செலுத்தி வருகிறோம்,” என்றார். Tierney, FCM அமைப்பின் தலைவராக ஓராண்டு காலத்திற்குப் பதவி வகிப்பார் என்பது குறிப்பிடத்தக்கது.
