கனடா செய்திகள்

சட்டவிரோத ஆயுதக் கடத்தல் வலையமைப்பு பயன்படுத்தும் துப்பாக்கிகளில் பெரும்பாலானவை அமெரிக்காவிலிருந்து கொண்டுவரப்பட்டவை

Peel பிராந்திய பொலிஸார் சட்டவிரோத ஆயுதக் கடத்தல் வலையமைப்பைக் கண்டறிந்து நடத்திய சோதனையில் கைப்பற்றப்பட்ட சுமார் இருபதுக்கும் மேற்பட்ட துப்பாக்கிகளில் அதிகமானவை அமெரிக்காவிலிருந்து கொண்டுவரப்பட்டவை என்று தெரிவித்துள்ளனர். இதில் Mississauga வில் இருவர் சுட்டுக்கொல்லப்பட்ட சம்பவத்தில் பயன்படுத்தப்பட்ட ஒரு துப்பாக்கியும் அடங்கும்.

பிராந்தியம் முழுவதும் மற்றும் GTA பகுதியிலும் சட்டவிரோத துப்பாக்கிகள் கடத்தப்படுவதாகக் கிடைத்த தகவலைத் தொடர்ந்து, October 2025-இல் ஆரம்பிக்கப்பட்ட ‘Project Red Zone’ என்ற 10 மாத இரகசிய புலனாய்வு நடவடிக்கையின் முடிவுகளைப் புலனாய்வாளர்கள் செவ்வாய்க்கிழமை வெளிப்படுத்தினர்.

கைப்பற்றப்பட்ட துப்பாக்கிகளில் 15 துப்பாக்கிகள் அமெரிக்க எல்லையைக் கடந்து கொண்டுவரப்பட்டவை என்றும், அவற்றில் பல கனடாவில் தற்போது தடைசெய்யப்பட்டவை என்றும் பொலிஸார் கண்டறிந்துள்ளனர். மேலும், தடயவியல் பகுப்பாய்வின் மூலம் இவற்றில் 14 துப்பாக்கிகள் ‘GTA’ பகுதி முழுவதும் நடந்த துப்பாக்கிச் சூடு சம்பவங்களுடன் தொடர்புடையவை என்பதும் தெரியவந்துள்ளது.

இந்த விசாரணைக்கு அமெரிக்காவின் Department of Homeland Security மற்றும் Criminal Intelligence Service Ontario ஆகியவை ஆதரவளித்தன. Mississauga, Ajax, மற்றும் Scarborough ஆகிய இடங்களில் சோதனை மேற்கொண்டதைத் தொடர்ந்து, குறைந்தது 950 தோட்டாக்கள் மற்றும் 824.75 கிராம் cocaine ஆகியவையும் பறிமுதல் செய்யப்பட்டன.

15 ஆயுதங்கள் மட்டுமே அமெரிக்காவுடன் தொடர்புடையதாகக் கண்டறியப்பட்டுள்ள போதிலும், பெரும்பாலானவை இறுதியில் அமெரிக்காவையே சென்றடையும் என்று தாம் நம்புவதாக பிரதி நிறைவேற்று அதிகாரி Nick Milinovich தெரிவித்துள்ளார்.

“இவை வெறும் சட்டவிரோத துப்பாக்கிகள் மட்டுமல்ல, வன்முறைக்கான கருவிகள். பணம் பறித்தல், வீடுகளுக்குள் புகுந்து தாக்குதல், கார்களைக் கடத்துதல், துப்பாக்கி மற்றும் கும்பல் வன்முறைகளைச் செய்ய இவை பயன்படுத்தப்படுகின்றன. எனவே, இந்த 23 துப்பாக்கிகளையும் நூற்றுக்கணக்கான தோட்டாக்களையும் எங்களால் அகற்ற முடிந்திருப்பது, நமது உள்ளூர் மற்றும் ‘GTA’ சமூகத்தின் பாதுகாப்பில் ஒரு குறிப்பிடத்தக்க நேர்மறைத் தாக்கத்தை ஏற்படுத்தும்,” என்று அவர் மேலும் கூறினார்.

Related posts

பழிவாங்கும் சுங்க வரிகள் அமுலுக்கு வந்த நிலையில், கடினமான காலங்கள் வரவிருப்பதாகத் தேசிய உரையில் பிரதமர் எச்சரிக்கை.

canadanews

Trump இன் சில வரிகளுக்கு எதிரான தீர்ப்பு, கனடாவை முழுமையாக விடுவிக்கவில்லை.

canadanews

Ontario, Liberal கட்சித் தலைமைப் போட்டி வேட்பாளர்களின் விவாதம் ஆரம்பம்.

canadanews