கனடாவின் பிரதமராக பதவியேற்றுள்ள Mark Carney தனது முதலாவது வெளிநாட்டு பயணமாக எதிர்வரும் நாட்களில் France மற்றும் U.K. ஆகிய நாடுகளுகக்கு செல்லவுள்ளதாக பிரதமர் அலுவலகம் தெரிவித்துள்ளது.
இரு நாட்டு தலைவர்களின் அழைப்பின் பேரிலேயே பிரதமரின் இந்த பயணம் திட்டமிடப்பட்டுள்ளது. பயணத்தின் போது வர்த்தகம் மற்றும் பாதுகாப்பு தொடர்பாக இருநாடுகளுடனும் கலந்துரையாடவுள்ள Carney தனது U.K. பயணத்தின் போது மன்னர் Charles ஐயும் சந்திக்கவுள்ளதுடன் கனடாவின் AI துறையை வளர்ப்பது தொடர்பிலும் கலந்துரையாடவுள்ளார்.
அமெரிக்காவிற்குச் செல்லும் திட்டம் எதுவும் தற்போதுவரை திட்டமிடப்படவில்லை எனக்கூறும் பிரதமர் அலுவலகம் பொருத்தமான தருணத்தில் அமெரிக்க ஜனாதிபதியுடன் பேச பிரதமர் ஆவலுடன் இருப்பதாகவும் கூறியுள்ளது.
Carney பிரதமராக பதவியேற்ற முதலாவது செய்தியாளர் சந்திப்பில் தனது அரசாங்கம் பொருளாதாரத்தை வளர்ப்பதிலும், வாழ்க்கையை மிகவும் மலிவு விலையில் மாற்றுவதிலும், நாட்டை மிகவும் பாதுகாப்பானதாக்குவதிலும் கவனம் செலுத்தும் என்றார்.
