ஜெர்மனிக்கான கனடாவின் தூதரும் முன்னாள் NDP பிரதமருமான John Horgan, 2017 இல் சிறுபான்மை அரசாங்கத்தை அமைத்தார். மேலும் மூன்று ஆண்டுகளுக்குப் பிறகு கோவிட்-19 தொற்றுநோய்களின் போது பெரும்பான்மையை வென்றார். இவர் தனது 65 ஆவது வயதில் புற்றுநோயினால் கடந்த செவ்வாயன்று காலமானார்.
B.C.யின் முன்னாள் New Democrat premier ஆன Horgan, ஜூன் மாதம் தைராய்டு புற்றுநோயால் பாதிக்கப்பட்டு தனது இராஜதந்திர பதவியில் இருந்து விடுப்பை அறிவித்தார். Victoria இல் உள்ள Royal Jubilee மருத்துவமனையில் செவ்வாய்க்கிழமை அவர் நிம்மதியாக இறந்ததாக அவரது குடும்பத்தினர் சமூக ஊடகங்களில் அறிக்கை வெளியிட்டனர். Horgan இற்கு அவரது மனைவி Ellie மற்றும் மகன்கள் Evan மற்றும் Nate உள்ளனர்.
மாகாண சட்டமன்ற உறுப்பினராக ஐந்து முறை பணியாற்றிய Horgan, தொண்டை புற்றுநோயை எதிர்த்துப் போராடுவதற்கு 30 க்கும் மேற்பட்ட கதிர்வீச்சு சிகிச்சைகளைப் பெற்ற பிறகு, உடல்நலக் காரணங்களைக் காட்டி, மார்ச் 2023 இல் தனது புறநகர் விக்டோரியா இருக்கையை ராஜினாமா செய்தார்.
தூதராக நியமிக்கப்பட்ட ஆறு மாதங்களுக்குப் பிறகு, Horgan தனது முந்தைய தொண்டை புற்றுநோய்க்காக பெர்லினில் வழக்கமான சோதனைக்குப் பிறகு தைராய்டு புற்றுநோயால் கண்டறியப்பட்டதாக அறிவித்தார். மேலும் இவர் 2008 இல் சிறுநீர்ப்பை புற்றுநோய்க்கு வெற்றிகரமாக சிகிச்சை பெற்றிருந்தார்.
