குடும்பங்கள், குழந்தைகள் மற்றும் சமூக மேம்பாட்டு அமைச்சர் Jenna Sudds கருத்துப்படி, Canada Child Benefit (CCB) கொடுப்பனவுகளை கூட்டாட்சி அரசாங்கம் அதிகரித்த பின்னர் கனேடிய பெற்றோர்கள் அதிக பணம் பெற்றனர். வாழ்க்கைச் செலவை சமாளிக்க பெற்றோருக்கு உதவுவதே இந்த அதிகரிப்பின் நோக்கமாகும்.
2024-2025 ஆண்டிற்கு குடும்பங்களுக்கு ஆறு வயதுக்குட்பட்ட குழந்தைக்கு $7,787 மற்றும் ஆறு முதல் 17 வயது வரையிலான குழந்தைக்கு $6,570 வரை வழங்குகிறது. இது முந்தைய ஆண்டை விட 4.7% அதிகமாகும். அதாவது முந்தைய ஆண்டை விட $350 வரை அதிகமாகப் பெறலாம்.
குழந்தைகளை வளர்ப்பதற்கான செலவை பெற்றோர்கள் தக்க வைத்துக் கொள்ளவும், தங்கள் குழந்தைகளுக்கு வாழ்க்கையில் சிறந்த தொடக்கத்தை வழங்கவும் இந்த வரியில்லா நிதி உதவி மீண்டும் அதிகரித்து வருகிறது என்று Sudds கூறினார்.
ஒருவரின் பராமரிப்பில் உள்ள குழந்தைகளின் எண்ணிக்கை, அவர்களின் வயது, திருமண நிலை மற்றும் முந்தைய ஆண்டின் நிகர வருமானம் போன்ற பல்வேறு காரணிகளால் இக் கொடுப்பனவுகள் தீர்மானிக்கப்படுகின்றன.
