வியாழன் அன்று ஆயிரக்கணக்கான Air Canada விமானிகளை பிரதிநிதித்துவப்படுத்தும் Air Line Pilots Association (ALPA) அதன் உறுப்பினர்களில் 98 சதவீதம் பேர் Air Canada உடன் ஒரு புதிய ஒப்பந்தத்தை அடைவதற்கு வேலைநிறுத்தத்தை அங்கீகரிப்பதாக வாக்களித்துள்ளதாக அறிவித்தது. உடன்பாடு எட்டப்படாவிட்டால் 5000க்கும் மேற்பட்ட Air Canada விமானிகள் செப்டம்பர் நடுப்பகுதியில் சட்டப்பூர்வ நிலையில் இருப்பார்கள்.
ஜூன் 2023 முதல் ஊழியர்களும் Air Canada உம் பேச்சுவார்த்தைகளில் ஈடுபட்டுள்ளனர், அவை கூட்டாட்சி சமரச அதிகாரியால் கண்காணிக்கப்பட்டு Toronto hotel களில் நடைபெறுகின்றன. இந்த திங்கட்கிழமை அந்த நடைமுறையின் கடைசி நாளாகும், அதன் பிறகு 21-நாள் cooling-off காலம் இருக்கும், செப்டம்பர் 17 அன்று சாத்தியமான வேலைநிறுத்தத் திகதியாகும்.
சில பகுதிகளில் இரு தரப்பினரும் ஒருமித்த கருத்தைக் கண்டறிந்துள்ளனர், ஆனால் ஊதியங்கள் மற்றும் திட்டமிடலின் சில அம்சங்கள் இன்னும் தீர்க்கப்பட வேண்டும் என்று Hudy கூறினார். மேலும் கடந்த 18 மாதங்களில் நான்கு பெரிய அமெரிக்க விமான நிறுவனங்களுக்கும் அவற்றின் விமானிகளுக்கும் இடையிலான புதிய ஒப்பந்தங்களைத் தொடர்ந்து, சில விமானக் குழுக்கள் Air Canada இல் உள்ள அவர்களது சகாக்கள் சம்பாதிப்பதை விட இருமடங்காக சம்பாதிக்கிறார்கள், குறிப்பாக United Airlines இனை அவர் சுட்டிக்காட்டினார்.
Air Canada தலைமை நிர்வாக அதிகாரி Michael Rousseau இந்த மாத தொடக்கத்தில் ஆய்வாளர்களிடம் கூறுகையில் இரு தரப்பும் பல விஷயங்களில் உடன்பாட்டில் இருப்பதாகவும், வரும் வாரங்களில் ஒரு ஒப்பந்தம் எட்டப்படும் என்று நம்புவதாகவும் கூறினார்.
