ஆகஸ்ட் மாதத்தில் கனடாவின் வருடாந்த பணவீக்க விகிதம் மார்ச் 2021 க்குப் பிறகு மிகக் குறைந்த அளவிற்கு வீழ்ச்சியடைந்துள்ளது என்று பொருளாதார வல்லுநர்கள் எதிர்பார்க்கின்றனர். மேலும் புள்ளிவிவரங்கள் கனடாவின் நுகர்வோர் விலைக் குறியீடு ஒரு வருடத்திற்கு முன்பு இருந்ததை விட 2.1% அதிகரிப்பைக் காட்டும், இது ஜூலை மாதத்தில் 2.5% ஆண்டு ஆதாயத்திலிருந்து குறைகிறது, அத்தோடு பணவீக்கம் ஒரு மாத அடிப்படையில் நிலையானதாக இருக்கும் என்று பொருளாதார வல்லுநர்கள் கணித்துள்ளனர்.
Bank of Canada தனது முக்கிய கடன் விகிதத்தை இந்த மாத தொடக்கத்தில் கால் சதவீத புள்ளியாகக் குறைத்தது. தொடர்ந்து இதன் மூன்றாவது குறைப்பு 4.25 சதவிகிதம் ஆக இருக்கும். பணவீக்க வீழ்ச்சியால் இந்த முடிவு உந்துதல் பெற்றதாக Governor Tiff Macklem கூறினார். மறுபுறம், எதிர்பார்த்ததை விட பணவீக்கம் வலுவாக இருந்தால், வங்கி விகிதக் குறைப்பு வேகத்தை குறைக்கலாம் என்றும் Macklem கூறினார்.
ஜனவரி முதல் பணவீக்கம் மூன்று சதவீதத்திற்கும் குறைவாகவே உள்ளது மற்றும் பொருளாதாரம் பலவீனமடைந்துள்ளதால் விலை வளர்ச்சி மீண்டும் வேகமடையும் என்ற அச்சம் குறைந்துள்ளது. மேலும் ஆகஸ்ட் மாதத்தில் கனடாவின் வேலையின்மை விகிதம் 6.6% ஆக உயர்ந்ததைத் தொடர்ந்து, ஜூலை 2025 வரை ஒவ்வொரு கூட்டத்திலும் மத்திய வங்கி அதன் முக்கிய கடன் விகிதத்தை கால் சதவீத புள்ளியால் குறைக்கும் என்று எதிர்பார்க்கப்படுவதாக Porter குறிப்பிட்டார்.
கனேடியர்கள் அதிக வாடகை மற்றும் அடமானக் கொடுப்பனவுகளை எதிர்கொள்வதால் தங்குமிட செலவுகள் பணவீக்கத்தின் முக்கிய இயக்கியாக உள்ளது. வீட்டுச் செலவுகளைக் கணக்கிடும் போது, கனடா மற்றும் அமெரிக்கா ஆகிய இரு நாடுகளிலும் பணவீக்கம் ஒரு சதவீதத்திற்கு சற்று அதிகமாக உள்ளது என்று Porter குறிப்பிட்டார். இருப்பினும் அமெரிக்க Federal Reserve புதன்கிழமை சந்திக்க உள்ள நிலையில், நான்கு ஆண்டுகளில் அமெரிக்க மத்திய வங்கி அதன் முதல் வட்டி விகிதக் குறைப்பை அறிவிக்கும் என்று Janzen மற்றும் Fan எதிர்பார்க்கின்றனர்.
