கனடா செய்திகள்

Ontariaவில் இன்றிலிருந்து அமுலுக்கு வரும் ஒற்றைக்கட்டண திட்டம்.

இன்று முதல் Ontario பொதுப்போக்குவத்துச் சேவையில் ஒற்றைக்கட்டண திட்டம் அமுலுக்கு வருகின்றது.

இன்று தொடக்கம் Toronto பொதுப்போக்குவரத்துச் சேவை மற்றும் Toronto பெரும்பாகத்திலுள்ள GO போக்குவரத்துச் சேவை உட்பட இத்திட்டத்தில் பங்குபற்றும் அனைத்து சேவைகளுக்குமிடையில் பயணிக்கும் பயணிகள் ஒருமுறை மட்டும் கட்டணம் செலுத்தினால் போதுமானதாகும்.

இது தொடர்பில் Ontariaவின் முதல்வர் அவர்கள் Ontario அரசானது, அனைத்து போக்குவரத்துப் பயணிகளுக்கும் அவர்களின் சொந்தப் பணத்தை சேமித்து மீண்டும் அவர்களுக்குத் திருப்பிக் கொடுக்கும் என கூறுகின்றார்.

மேலும், ஒற்றைக்கட்டணத் திட்டத்தின் மூலம் சராசரியாக ஆண்டிற்கு 1600 டொலர்களை ஒருவர் சேமிக்க முடிவதோடு, பயணச் சீட்டின் விலை காரணமாக மக்கள் இனி தமது வாழ்க்கையின் பெரும் தருணங்களையோ வேலை வாய்புகளையோ இழக்க நேரிடாது என போக்குவரத்து இணை அமைச்சர் விஜய் தணிகாசலம் தெரிவித்துள்ளார்.

Ontario அரசின் முழுமையான நிதியுதவியில் நடைமுறைப்படுத்தப்படும் இந்த ‘ஒற்றைக்கட்டண’ முறை ஆண்டொன்றுக்கு போக்குவரத்துத்துறையில் எட்டு மில்லியன் புதிய பயணங்களுக்கு வழிவகுக்கும் என்பதும் குறிப்பிடத்தக்கது.

இன்று முதல் ஒற்றைக்கட்டணத் திட்டத்தின் மூலம், ‘கோ’ (GO) போக்குவரத்துச் சேவை உட்பட Barrie TransitBrampton TransitBurlington TransitBradford West Gwillimbury TransitDurham Region TransitGrand River TransitGuelph TransitHamilton Street RailwayMilton TransitMiWayOakville TransitTTCYork Region Transit ஆகிய அனைத்து போக்குவரத்துச் சேவைகளுக்குமிடையில் பயணிக்கும் பயணிகள் ஒருமுறை மட்டுமே கட்டணம் செலுத்துவார்கள் என அறிவிக்கப்பட்டுள்ளது.

Related posts

வெளிநாட்டு தலையீட்டை எதிர்கொள்ள Trudeau அரசாங்கம் தயாராகிறது

admin

Stanley கோப்பை இறுதிப் போட்டிக்கு ஏழாவது ஆட்டத்திற்கு Oilers முன்னேறியுள்ளார்

admin

சர்வதேச மாணவர்களின் மரணத்திற்குப் பிறகு கனடா மீண்டும் தனக்கான அடையாளத்தை உருவாக்க வேண்டும் – இந்திய தூதர்

admin