5 மில்லியன் டொலர் பெறுமதியான திருடப்பட்ட கைக்கடிகாரங்கள் தொடர் சோதனையின் போது மீட்கப்பட்டதைத் தொடர்ந்து இரண்டு ஆண்கள் குற்றம் சாட்டப்பட்டதாக Toronto பொலிஸார் தெரிவித்துள்ளனர்.
அக்டோபர் 30, 2023 அன்று மாலை சுமார் 4:30 மணியளவில் Spadina Avenue மற்றும் Adelaide Street அருகில் கொள்ளையடிக்கப்பட்டதாக போலீஸார் அழைக்கப்பட்டனர். இதன் போது இரண்டு ஆண்கள் முகமூடி அணிந்து தங்கள் அடையாளத்தை மறைத்து ஒரு கடைக்குள் நுழைந்ததாக புலனாய்வாளர்கள் குற்றம் சாட்டியுள்ளனர்.
Toronto இனைச் சேர்ந்த 34 வயதான Danial Jamil, குற்றத்தின் மூலம் பெறப்பட்ட சொத்துக் கடத்தல், குற்றத்தின் மூலம் கிடைத்த வருமானம் மற்றும் குற்றத்தின் மூலம் பெறப்பட்ட சொத்துக்களை வைத்திருந்ததாக குற்றம் சாட்டப்பட்டு February 8 நீதிமன்றத்தில் ஆஜரானார்.
மே 9, 2024 அன்று மற்றொரு குற்றவியல் தேடுதலைத் தொடர்ந்து சந்தேகத்திற்குரிய ஒருவரை காவலில் எடுத்தனர். அந்த நேரத்தில் திருடப்பட்ட கைக்கடிகாரங்கள் மற்றும் விசாரணையுடன் தொடர்புடைய “சான்று” மதிப்புள்ள பிற பொருட்களை மீட்டதாகக் கூறப்படுகிறது.
இதன் போது Clarington இனைச் சேர்ந்த 29 வயதான Christian Collins மீது துப்பாக்கியால் கொள்ளையடித்தல், உள்நோக்கத்துடன் மாறுவேடமிட்டல், குற்றத்தின் மூலம் பெறப்பட்ட சொத்துக்களை உடைமையாக்குதல், சதி செய்தல் மற்றும் நிபந்தனைக்குட்பட்ட தண்டனை உத்தரவை மீறுதல் ஆகிய குற்றச்சாட்டுகள் சுமத்தப்பட்டன.
மேலும் தகவல் தெரிந்தவர்கள் 416-808-7350 என்ற எண்ணிற்கு தொடர்பு கொள்ளுமாறு கேட்டுக் கொள்ளப்படுகிறார்கள்.
