King’s College Circle இல் பாலஸ்தீனிய சார்பு எதிர்ப்பாளர்களின் முகாமை முடிவுக்குக் கொண்டுவர பல்கலைக்கழகத்தின் வழக்கறிஞர்கள் முறையாக தடை உத்தரவை கோருவதாக Toronto பல்கலைக்கழகத்தின் தலைவர் அறிவித்துள்ளார்.
ஆர்ப்பாட்டக்காரர்கள் முகாமை விட்டு வெளியேற திங்கள்கிழமை காலை 8 மணி வரை காலக்கெடுவானது வெள்ளியன்று வழங்கப்பட்டது, ஆனால் டொராண்டோ பல்கலைக்கழகம் தங்கள் கோரிக்கைகளுக்கு இணங்கும் வரை தாங்கள் வெளியேறத் திட்டமிடவில்லை என்று அவர்கள் கூறினர்.
மேலும் ஞாயிறு அன்று இரு தரப்பினரும் மீண்டும் சந்தித்தனர். போராட்டக்காரர்கள் பள்ளி நிர்வாகிகளுக்கு ஒரு எதிர்ப்புச் சலுகையை முகாம் செய்தித் தொடர்பாளருடன் முன்வைத்தனர்.
இப் பேரணியின் போது ஒரு தூறல் பலத்த மழையாக மாறியதால் ஆர்ப்பாட்டக்காரர்கள் கொடிகளை ஏந்தி குடைகளின் கீழ் பதுங்கியிருந்தனர்.
போராட்டக்காரர்கள் தங்கள் கோரிக்கைகளை பல்கலைக்கழகம் கேட்க பல மாதங்களாக முயற்சித்ததாகவும், ஆனால் முகாமை அமைத்த பின்னரே ஒப்புதலைப் பெற்றதாகவும் ஆர்ப்பாட்டத்தின் செய்தித் தொடர்பாளர்களில் ஒருவரான Sara Rasikh கூட்டத்தில் தெரிவித்தார்.
