மத்திய அரசாங்கம் அதன் 2022 கணக்கில் $1.5 பில்லியன் கூட்டுறவு வீட்டு மேம்பாட்டுத் திட்டத்தை நிறுவுவதாக உறுதியளித்ததாக வீட்டுவசதி அமைச்சர் Sean Fraser அறிவித்தார். இத் திட்டத்தின் விளைவாக 2028 ஆம் ஆண்டிற்குள் ஆயிரக்கணக்கான புதிய வீடுகளைக் கட்டப்படும் என்று எதிர்பார்க்கப்படுகிறது, இருப்பினும் துல்லியமான எண்ணிக்கை அந்த வீடுகளின் இருப்பிடத்தைப் பொறுத்தது.
நாடு முழுவதும் உள்ள 900க்கும் மேற்பட்ட கூட்டுறவுகளை பிரதிநிதித்துவப்படுத்தும் கனடாவின் கூட்டுறவு வீட்டுவசதி சம்மேளனத்துடன் இணைந்து இத்திட்டம் வடிவமைக்கப்பட்டதாக மத்திய அரசு தெரிவித்துள்ளது.
பிரதம மந்திரி Justin Trudeau இன் அரசாங்கமானது வீட்டுவசதி போன்ற முக்கிய பொருளாதார பிரச்சினைகளுக்கு தீர்வு காண்பதன் மூலம் இளைய வாக்காளர்களை புத்துயிர் பெற முயற்சிக்கிறது.
July 15 மற்றும் September 15 இற்கு இடையிலான கால இடைவெளியில் கூட்டுறவு வழங்குநர்கள் முதல்கட்ட நிதியுதவிக்கு விண்ணப்பிக்கலாம் என மத்திய அரசு தெரிவித்துள்ளது. மேலும் $1 பில்லியன் கடன் மற்றும் $500 மில்லியன் மானியங்களை வழங்கும் திட்டமானது கனடாவின் அடமானம் மற்றும் வீட்டுவசதி நிறுவனத்தால் நிர்வகிக்கப்படும்.
