Liberal அரசாங்கம் சர்வதேச மாணவர் விசாக்களின் எண்ணிக்கையை மேலும் 10 சதவிகிதம் குறைக்கவுள்ளது, மேலும் Ontario கல்லூரிகளைப் பிரதிநிதித்துவப்படுத்தும் குழு ஒன்று நிரல் வெட்டுக்களுக்கு வழிவகுக்கும் என்று எச்சரிக்கிறது.
2025 மற்றும் 2026 ஆம் ஆண்டிற்கான புதிய இலக்கு 437,000 அனுமதிகளாக இருக்கும் என்று அரசாங்கம் கூறுகிறது. 2024 இல் 485,000 அனுமதிகள் இலக்காக இருந்தது.
Ottawa வெளிநாட்டு தொழிலாளர்கள் மற்றும் முதுகலை பட்டப்படிப்புகளில் படிக்கும் மாணவர்களின் வாழ்க்கைத் துணைவர்களுக்கு வேலை அனுமதிப்பத்திரத்தில் புதிய வரம்புகளை விதித்துள்ளது. தகுதிபெற, விண்ணப்பதாரர்களின் வாழ்க்கைத் துணைவர்கள் குறைந்தபட்சம் 16 மாத கால முதுநிலைத் திட்டத்தில் இருக்க வேண்டும் அல்லது மேலாண்மை அல்லது தொழில்முறைத் தொழில்களில் அல்லது தொழிலாளர் பற்றாக்குறையை அனுபவிக்கும் துறைகளில் பணிபுரியும் வெளிநாட்டுப் பணியாளர்களாக இருக்க வேண்டும்.
சர்வதேச மாணவர் திட்டத்தின் ஆய்வு மற்றும் வீட்டுச் சந்தையை பாதிக்கும் மக்கள் தொகை வளர்ச்சி பற்றிய கவலைகளுக்கு மத்தியில், Liberal அரசாங்கம் இந்த ஆண்டு புதிய மாணவர் விசாக்களின் எண்ணிக்கையை மூன்றில் ஒரு பங்காகக் குறைக்க தற்காலிக வரம்பை அறிவித்துள்ளது.
மத்திய அரசின் கட்டுப்பாடுகளின் விளைவாக அடுத்த இரண்டு ஆண்டுகளில் மாகாணத்தின் கல்லூரிகள் குறைந்தபட்சம் $1.7 பில்லியன் வருவாயை இழக்கும் என Colleges Ontario இன் தலைவர் Marketa Evans குறிப்பிட்டுள்ளார்..
