Nuvaxovid எனப்படும் புரத அடிப்படையிலான தடுப்பூசி, Omicron இன் JN.1 துணை வகையை குறிவைத்து, XBB.1.5 Omicron துணை வகையை குறிவைத்த முந்தைய பதிப்பை மாற்றியமைக்கிறது. இது தற்போது பரவி வரும் வைரஸின் மாறுபாடுகளுக்கு எதிராக பாதுகாப்பதுடன் இத் தடுப்பூ Health Canada இனால் வியாழக்கிழமை அங்கீகரிக்கப்பட்டது. மேலும் பழமையான தடுப்பூசிகளை நிராகரிக்குமாறு மாகாணங்களையும் பிரதேசங்களையும் Health Canada கேட்டுக்கொண்டுள்ளது.
செவ்வாயன்று Moderna இன் புதுப்பிக்கப்பட்ட mRNA தடுப்பூசிக்கு அங்கீகாரம் அளித்ததைத் தொடர்ந்து, இந்த வாரம் Health Canada இனால் அங்கீகரிக்கப்பட்ட இரண்டாவது புதுப்பிக்கப்பட்ட COVID-19 தடுப்பூசி Nuvaxovid ஆகும். நிறுவனம் இன்னும் Pfizer இன் புதுப்பிக்கப்பட்ட mRNA தடுப்பூசியான Comirnaty ஐ மதிப்பாய்வு செய்து வருவதுடன், விரைவில் முடிவு எதிர்பார்க்கப்படும் என்று கூறியுள்ளது.
Novavax பெரியவர்கள், 12 வயது மற்றும் அதற்கு மேற்பட்ட குழந்தைகளுக்கு அனுமதிக்கப்படுகிறது. அதே நேரத்தில் இத் தடுப்பூசி 12 வயதிற்குட்பட்ட குழந்தைகளின் பாதுகாப்பு மற்றும் செயல்திறனுக்காக இன்னும் மதிப்பீடு செய்யப்படவில்லை. புதுப்பிக்கப்பட்ட Moderna தடுப்பூசியானயானது ஆறு மாத வயதில் தொடங்கி, பெரியவர்களுக்கும், மிகவும் இளைய குழந்தைகளுக்கும் அனுமதிக்கப்படுகிறது.
இதற்கு முன் இரண்டு டோஸ் கோவிட்-19 தடுப்பூசி தொடரைப் பெற்றவர்கள், கடைசியாக போட்ட ஊசிக்கு பிறகு குறைந்தது ஆறு மாதங்களுக்கு ஒரு டோஸ் Nuvaxovid மருந்தைப் பெறுவார்கள். இதுவரை கோவிட்-19 தடுப்பூசி போடப்படாதவர்களுக்கு, Nuvaxovid இரண்டு டோஸ்களில் மூன்று வார இடைவெளியில் கொடுக்கப்படும்.
65 வயது மற்றும் அதற்கு மேற்பட்ட பெரியவர்கள், நீண்ட கால பராமரிப்பில் வசிப்பவர்கள், அடிப்படை நிலைமைகள் உள்ளவர்கள், பழங்குடியினர் மற்றும் இனம் சார்ந்த சமூகங்கள், கர்ப்பிணிகள் மற்றும் அத்தியாவசிய சமூக சேவைகளை வழங்குபவர்களுக்கு புதுப்பிக்கப்பட்ட COVID-19 தடுப்பூசிகளை NACI கடுமையாக பரிந்துரைக்கிறது. இந்த இலையுதிர்காலத்தில் அனைத்து பெரியவர்கள் மற்றும் ஆறு மாதங்கள் அல்லது அதற்கு மேற்பட்ட குழந்தைகள் புதுப்பிக்கப்பட்ட தடுப்பூசிக்கு தகுதி பெற்றிருக்க வேண்டும் என்றும் அது கூறுகிறது.
